Молитва Святаго Священно Мученика Кипріяна1)
Да воскреснетъ Богъ и разыдутся врази его, и да бѣжатъ отъ лица Его ненавидящіи Его; яко исчезаетъ дьмъ, да исчезнутъ бѣси отъ лица Божія, а праведницы возвеселятся о силѣ Божіи2), въ Тройцы славимаго.
Начинаемъ глаголати молитву святаго священномученика Кипріяна въ день и въ часъ, въ оньже упражняется сила его, сопротивнаго, ради славы Божія. Сей святый священномученикъ Кипріянъ, молящеся Богови всею душею, глаголя: Господи, Боже, сильный, содержай вся, святъ сый и прославленъ, царь царствующимъ и Господь господствующимъ, слава Ти во свѣтѣ безчисленномъ — егоже ужасаются всяческая, егоже никтоже видѣ и не видѣти можетъ, иже тысяща тысящъ и тьмами темъ ангелъ и архангелъ предстоятъ предъ Тобою, Господи, и Ты вѣси, Тебѣ работаютъ, еликоже тайная раба твоего, яко не познавшимъ Тебе первіе сія держахъ: облаки, яже не одождити; древеса садовная, еже не творити3) плода; непраздныя жены — не ражати, и иныя жъ не зачати; на огражденіе винограда токмо взирахъ и творяхъ — розги, еже не цвѣсти, такожде и злакъ вертоградный, не прозябати; и рыбы морскія не плавати, и птицамъ лѣснымъ возбранихъ летати4)...
...Господь5) нашъ, Исусъ Христосъ, услыша мя въ часъ сей, недостойнаго раба твоего. Идѣже аще почтется сія молитва, да разрушится, яко воскъ таетъ отъ огня, всяко лукаво ухищреніе отъ всякого вида человѣческаго и животнаго безсловеснаго, четвероножнаго, или винограднаго, или вертограднаго; и отъ всякаго имѣнія малыхъ и великихъ, яко во имя святыя и единосущныя Троицы суть просвѣщени и развѣ Тебе — Бога не знаемъ. И якоже отъ камени Моисеовымъ сыновомъ Израилевымъ источалъ еси воды, тако, Господи, Боже силамъ, положилъ руку свою державную, святую свою, полну сущу благословенія надо мною, глаголющаго сію молитву. И якоже насадилъ еси, Боже, рай во 1), и отъ того исходятъ четыре рѣки: Фиссонъ и Илтигрѣй, Ендрантъ2), и обходятъ всего міра въ тихости, и Адамъ, райскій человѣкъ, не можетъ ихъ удержати. Якоже умножилъ еси лѣта Іезекіи царю, да умножатся лѣта, имущаго сію молитву службою ангелъ, пѣніемъ серафимскимъ, Благовѣщеніемъ пресвятыя Богородицы и отъ архангела Гаврила, плотцкаго отъ Духа Святаго славнаго рождества, заколенія младенецъ, святаго крещенія воспріемъ во Иотранстѣй рѣцѣ, постъ и искушеніе, еже подъятъ отъ діявола; ужаснаго суда, ужаснѣйшихъ твоихъ чудесъ, въ мірѣ бывшихъ...
...и просто всяко чародѣйство творити, и вси лукавіи бѣси мнѣ работаху. И се убо, Господи Боже, сильный и великій, благоволивый оть недостойнаго достойну ми быти и спричаститимися священному твоему стаду, и преставленнымъ3) величествомъ, милостивнымъ о мнѣ, и не восхотѣ погубити беззаконіемъ, знаема мя сотвори твоей правой и непорочной вѣрѣ; не гнушай4) мене грѣшного и недостойнаго раба твоего. Прападаю къ Тебѣ5), прося твоея отъ Тебе милости о всѣхъ христіанехъ твоего, Христа, стада словесныхъ овецъ; и прошу пресвятое твое имя во славныхъ христіянехъ, ихже имѣютъ чародѣяніе...
...исцѣленія дарованія, прокаженныя очищая, мертвыя оживляя ихъ; во Іеросалимъ входъ и въ церкви младенцомъ, воспѣвающимъ: осанна, сыну Давидовъ, святый страстный 6) распятіе и еже изъ мертвыхъ воскресеніе, и еже на небеса вознесеніе, тмочисленныхъ словесъ восходнаго твоего пѣснословія, ежеодесную сѣданія, втораго и страшнаго пришествія, и власть, ея же далъ еси своимъ ученикомъ и апостоламъ, и рекъ: имже держите грѣхи — держатся, а имже отпустите — отпустятся; и, аще елико разрѣшите на земли, суть разрѣшени...7) И сихъ ради именъ и ради силы твоея великія, честнаго и животворящаго Креста твоего, заклинаю и проклинаю вся духи лукавыя и отъ злыхъ человѣкъ — отъ раба Божія (имя рекъ) и отъ дому его: созданнымъ Адамовымъ, жертвою Авелевою, искушеніемъ Іевлимъ, пренесеніе Енохово, вѣра Авраамлею и пророчество пророкъ святынею патріархъ и святитель, и священномученикъ кровію и апостольскихъ преставленія мученическая и вѣнчанія ихъ, заколенія святыхъ апостолъ 1) Павла, дѣвства Іоанна Богослова, благоволенія Сиѳова, жезла Моисеова, священничества Аронова, дѣвства 2) святость Самойлову, Корнильеву ревность, моленія Елисеево 3), пророчество Іоны, видѣнія Данилова, жертву Исакову, послѣднее преступленіе Іовле, проданіе Іосифова, кротость Давидову, премудрость Соломонову, неопалимую купину въ горѣ Синайстѣй, силою ста и шестидесятъ ангелъ, иже во Египтѣ сшедшихъ подати исцѣленія человѣкомъ: моленіемъ честнаго, славнаго пророка и, предтечи крестителя Господня, Іоанна; страшнаго и несказаннаго имени твоего, всесильнаго и всевида Бога, емуже предстоятъ тысяща тысящъ и тьмы тъмами ангелъ и архангелъ 4), и святыхъ мученикъ, и преподобныхъ отецъ, и святыхъ праведныхъ богоотецъ Іоакима и Анны, и святыхъ, и праведныхъ, и блаженныхъ, и Христа ради уродивыхъ, пустынножителей, пустынникъ и пустынницъ, и святыхъ постникъ, постившихся постомъ и моленіемъ, иже въ горахъ и въ пещерахъ, и въ пропастехъ земныхъ, и всѣхъ святыхъ, иже отъ вѣка Тебѣ благоугодившихъ Господу Богу нашему. Ради бо сихъ именъ и ради святыхъ ангелъ, молитвами ихъ, прогоняемъ и отдаляемъ всякую злобу и лукавства, и зависть, и ревность, и связаніе, и удержаніе, и злострѣленіе, и лукаво око, и злоглаголаніе, и язычное уяденіе, и примолвы и все, что бѣдное 5), и совѣтованіе злыхъ человекъ, лихой зглядъ и иныхъ уроки, злыя, пакостныя, и злыя примолвы бѣсовскія, и клятвы, и заклинанія душепагубныя и тѣловредныя, и недугованія, и къ смертоноснымъ язвамъ, и всякихъ шкотъ житія сего суетнаго ко убожію и умаленію живота и имени, къ полученію злыхъ всякихъ страстей, бѣдныхъ, насилованныхъ и на всякихъ, всякимъ волхвованіемъ волхвующихъ, наглость, или худость и всякую шкоту, что зло да отдалится отъ раба Божія (имя рекъ), аще глаголю и милися 6) дѣю единаго непобѣдимаго Бога, иже въ трехъ лицѣхъ воспѣваемаго, яко да подаси всѣмъ человѣкомъ) православнымъ спасеніе и рабу своему (имя рекъ), въ немже лежитъ святая сія молитва. И что лукаво бысть въ дому томъ, въ немже прочтется сія молитва, яко да разрѣшится, аще будетъ на небеси связано или на земли, да разрѣшено будетъ, или въ мори, яже на земли сей, или на пути, или на поли, или въ горахъ, или въ пещерахъ, или въ пропастехъ земныхъ, или въ рѣцѣ, или во истоцѣхъ, или въ кладези, или въ кровли, или въ дверехъ, или во оконцѣ2), или вь верхнемъ порогѣ, или въ нижнемъ, или на здѣ, или въ тинѣ, или въ основѣ, или въ стѣнѣ — да разрѣшится. Или во дворѣ, или 3), или во входѣ, или во дверцѣ, или на пути, или на поли, или въ горахъ4); ли въ пещерахъ, или въ пропастехъ земныхъ — да разрѣшится. Или во брусѣ, или во рвѣ, или въ древѣ, или въ листѣ и корени, и въ вѣтвіи — да разрѣшится. Или на поли въ нивахъ и въ виноградехъ, или во рвѣхъ, или въ травѣ, или въ древѣ, или въ бани, или въ пещи, или въ капищи идольскомъ, или во власѣхъ брадныхъ, или въ кожи плотской, или въ главнемъ убрусѣ, или въ ножныхъ обувеніи5), или въ златѣ, или въ сребрѣ и въ мѣди, или въ свинцѣ, или въ оловѣ, или въ желѣзѣ, или въ морскихъ рыбахъ, или въ животныхъ четвероногихъ земныхъ, или во птицахъ, летающихъ по воздуху, движимыхъ и недвижимыхъ, или въ харатьи, или въ бумаги, или въ чернилѣ, или въ нѣкоторой вещи — да разрушится. Аще ли есть написано въ семидесяти двою языцѣхъ — да разрушено будетъ, понеже азъ разрѣшихъ и разрѣшаю, прогнахъ и прогоняю Калуса, Пира, Маруса, Лукми, Лурами6), Рахана прогнахъ и еще отъ раба Божія (имя рекъ) и отъ дому его, имущаго сію молитву, и отъ всего имѣнія его малаго и великаго силою честнаго и животворящаго Креста Господня и со всѣми небесными силами, предстоящими предъ высокимъ и страшнымъ престоломъ Господнимъ силъ, ангелъ и архангелъ, и святыхъ и праведныхъ патріархъ — Авраама и Исаака, и Іакова. Таже молю святого собора пророкскаго: Захарію и Іоанна Предтечю, и Елисея7), и Осія, Наума, Аввакума,Софонія, Аггея, Михея, Малахія, Іеремія, Іезекиля, Исайю, Данила, Амоса, Самуйла, Илію и святыхъ тріехъ отрокъ — Ананію, Азарію, Мисайла. Молю сословіе святыхъ, праведныхъ Богоотецъ Іоакима и Анны, Іосифа Обручника, Давида, пророка и царя, Іякова, брата Господня, Симеона Богопріимца и Симеона, сродника Господня, святаго, праведнаго Іова и Іоны, и всѣгь святыхъ, молитвами ихъ отъ вѣка благоугодившихъ и послужившихъ Господу Богу нашему, Исусу Христу. Молюся и прошу лики святыхъ и славныхъ, и всехвальныхъ двѣнадцать апостолъ и собора семидесяти апостолъ, иже во святыхъ отецъ нашихъ вселенскихъ учителей: Василія Великаго, Григорія Богослова, Іоанна Златоустаго, Іерофія Афинейскаго и Діонисія Ареопагита, и Іоанна Милостиваго, Амфилохія, епископа Иконійскаго, Аверкія Ерапольскаго, Афонасія Великаго и Кирилла; иже во святыхъ отца нашего Николы, архіепископа, Миръ Ликійскихъ чюдотворца, и иже во святьіхъ отца нашего Петра, митрополита Московскаго, чюдотворца; иже во святыхъ отца нашего Леонтія, епіскопа Ростовскаго, чюдотворца1), и Амбросія, епіскопа Медіоламскаго, Потапія, Ипатія и Спиридона, и Елеуферія, Епифанія, Андрея Критскаго, Софронія Іеросалимскаго, Селивестра, папы Римскаго, Григорія чюдотворца, Лазаря, иже въ Галасіи, Григорія Акраганскаго, Прокопія Десятоградца, Григорія великаго2) Армени, преподобныхъ и богоносныхъ отецъ нашихъ: Сергія и Варлаама, и Кирила, и Семіона Столпника, Евменія чюдотворца, Даніила Столпника, Алимба и Аникиты, и преподобныхъ отецъ нашихъ, иже въ Синаи и въ Раифѣ избіенныхъ, и преподобныхъ отецъ нашихъ: Козмы Халкидонкскаго, Іоанна Дамаскіна, Стефана Саваита, Георгія Никодимійскаго, Феодора Написаннаго, Антонія Велікаго, Арсенія, Евфимія и Саввы, Ефрема Сирина, Павла Фивейскаго, Іоанна Кушника, Павла, иже въ Латрѣ, Феодосія общія жізни, Викулы, епіскопа Змирскаго, Иларіона чюдотворца, Марка, епископа Фряческаго. Кирила діякона, святаго священномученика Власія, епископа 3)и Поликарпа, Ипатія Ганграскаго, Дорофея Тирскаго, Феодота Киринейскаго и всѣхъ святыхъ священномученикъ моленіем и молитвами, соблюди раба своего (имя рекъ). Молю убо лики святыхъ, славныхъ, добропобѣдныхъ Христовыхъ великомучениковъ1) воинства: первомученика Стефана, архіепископа2), Георгія3) Побѣдоносца, славнаго чудотворца, Димитрія великомученика, Сидора Ліоградскаго, Феодора Тирона4), Феодора Стратилата и иже съ ними, всѣхъ5) четыредесяти тысячъ мучениковъ и мученицъ, всѣхъ небесныхъ твоихъ силъ; и трехъ святыхъ мученикъ Евстратія, Авксентія, Евгенія, Мардарія6) и Ореста; и святыхъ мученикъ Мины, Виктора и Викентія; и святыхъ исповѣдникъ Гурія и Самона, и Авива дьякона; и святыхъ мученикъ Мины, Ермогена, Евграфа; и святаго великомученика Никиты; и святыхъ великомученикъ сорокъ, иже въ Севастіи; и святыхъ младенецъ, избіенныхъ за Христа, четырнадцать тысящъ; и святыхъ седми отрокъ, иже во Ефесѣ, и святыхъ мученикъ Карпа и Папилы7), и Ермила, Стратоника, святаго мученика Іакова Пермскаго и святаго праведнаго Алексѣя, человѣка Божія, и святыхъ мученикъ Изарія8), Гервасія, Протасія и Келесія, и святыхъ чюдотворцевъ и безсребрениковъ Козмы и Доміяна, Кира, Іоанна, Пантелеймона9) и Ермона10), Самсона и Деомида, Моисея и Фалелія, Фотея и Аникиты, и всѣхъ святыхъ мученикъ, иже проліявшихъ кровь за Тебе, Христа Бога нашего, и всѣхъ святыхъ твоихъ молитвами. И ликъ святыхъ мученицъ: Евдокіи, Феодоры Александрійскія и святыя великомученицы Екатерины, и Парасковіи, Варвары, Ульяны, Мавры, Пелагіи, Ирины, Гликеріи и святыя Елены царицы и со царемъ Константиномъ, и святыя Феодосіи дѣвицы, преподобныя мученицы Февроніи, святыя мученицы Евфиміи всехвальныя и святыхъ Кирика и матери его Улиты, и преподобномученицы Евдокіи, и всѣхъ святыхъ молитвами. Молитвъ11) пречистыя твоея матери помилуй и спаси раба твоего (имя рекъ), яко благій Богъ и человѣколюбецъ. Аще хто сію молитву держитъ въ дому, не придетъ къ нему злой,
ни лукавой духъ1), зависть и ревность, и чародѣяніе, и бѣдами болѣзными, которое злое лукавство ни въ утрѣ, ни въ день, ви въ вечеръ, ни въ нощъ, ни въ полунощъ, яко написана бысть сія молитва отъ святаго священномученика Кипріяна и утвержена, и назнаменана бысть отъ святыя Тройцы единосущныя, отъ Отца и Сына, и Святаго Духа на погубленіе и на прогнаніе всякому злу злыхъ сѣтей ловящихъ саддукей, 2) нарицаемыхъ Елефанъ, аще рѣхъ, Самосовыхъ и всего рода ихъ, Исамена и всего лика ихъ, и все отбѣгаетъ ихъ словесемъ Господнимъ, о немже утвердися небо и земля, и молитвами Матери твоея и святыхъ небесныхъ силъ со всѣми святыми нынѣ и присно, и во вѣка вѣкомъ. Аминь. (147).
———
Сноски
1 ) Киноварь; всѣ заглавныя буквы черныя.
2 ) На полѣ выноска — „живаго Бога“...
3 ) Въ подлинникѣ написано — „не ворити“.
4 ) Въ подлинникѣ послѣ сего написано: „Господа нашего, Исуса Христа, услыша“ — и обчеркнуто кругомъ, какъ неправильно написанное.
5 ) Издаваемый здѣсь списокъ „Молитвы святаго священномученика Кипріана“ нѣсколько спутанъ. Такъ, весь этотъ абзацъ (начиная съ „Господь“... и кончая словомъ „бывшихъ“... нужно помѣстить послѣ слѣдующаго абзаца, передъ абзацемъ, начинающимся со слова... „исцѣленія“...Причемъ нужно замѣтить, что въ данномъ мѣстѣ допущенъ еще небольшой пропускъ.
1 ) Здѣсь было оставлено мѣсто для не разобраннаго при списываніи слова — „Едемѣ“.
2 ) Нужно было написать: „Геонъ, Фисонъ, Тигръ и Евфратъ“.
3 ) Слово — „преставленнымъ“ вписано послѣ скорописью.
4 ) Нужно — „не гнушайся“.
5 ) Слова „къ тебѣ“ въ подлинникѣ пропущены и записаны на полѣ.
6 ) Нужно: „святую страсть“.
7 ) Рядомъ съ этимъ словомъ на полѣ написано: „разрѣшено будетъ и на небеси тако жъ...“
1 ) На полѣ поправка — „святаго апостола“.
2 ) Оставлено мѣсто для неразобраннаго слова; нужно читать „Іисуса Навина“.
3 ) Вмѣсто „Елисеево“ начато было — „Моисе“ и обчеркнуто.
4 ) Въ подлинникѣ стоитъ — „архангемъ“.
5 ) Вѣроятно — вѣдьное.
6 ) Въ подлинникѣ — „и мылся“
1 ) Въ подлинникѣ — „человѣко“.
2 ) Послѣ этого слова на полѣ скорописью написано, —
3 ) Въ текстѣ оставлено мѣсто для неразборчиваго слова.
4 ) Въ подлинникѣ стоитъ — „вгораъ“.
5 ) Нужно читать — „обувеніихъ“.
6 ) Въ подлинникѣ эти слова написаны так: „лоукми, лоурами“
7 ) Въ подлинникѣнаписано — „иелесия“.
1 ) Въ подлинникѣ — „чюдвωр’ца“.
2 ) На полѣ поправка — „ия“; нужно читать — „Великія Арменіи“
3 ) Оставлено мѣсто для вписанія неразобраннаго слова.
1 ) Начало слова — „велико“ приписано на полѣ.
2 ) Нужно читать — „архидіакона“.
3 ) Въ подлинникѣ написано — „Георія“.
4 ) Въ подлинникѣ написано — „тира“.
5 ) Со слова „всѣхъ“, кончая словомъ „силъ“ вписано впослѣдствіи скорописью въ оставленный при письмѣ промежутокъ.
6 ) Имена — „евстратия, авксентия, евгения, мардария“ повторены скорописью на полѣ.
7 ) М. б. — „Вавилы“.
8 ) Вѣроятно — „Назарія“.
9 ) Въ подлинникѣ написано — „Пантелемона“.
10 ) Вѣроятно — „Ермолая“.
11 ) Пропущено — „ради“.
1 ) Часть молитвы со слова — „Аще...“, кончая словомъ „духъ“, вписана скорописью въ оставленный промежутокъ.
2 ) Оставлено мѣсто для внесенія неразобраннаго слова.
Из сборника Виноградова. 1908
