Молитва вторая.
Псаломъ 90.
Живый въ помощи вышняго въ кровѣ Бога небеснаго водворится, речетъ Господеви: заступникъ мой еси — рабъ твоихъ (имя рекъ). Заступи, спаси и сохрани, и помилуй отъ скорби, болѣзни душевной и тѣлесной, и сердечной. Ты еси и прибѣжище мое, Богъ мой, и уповаю нань, яко той избавитъ тя отъ сѣти ловчи и отъ словеси мятежна; плещма своима осѣнитъ тя и подъ крылѣ его надѣешися; оружіемъ обыдетъ тя истина его, не убоишися отъ страха нощнаго, отъ стрѣлы, летящія во дни, отъ вещи, во тьмѣ преходящія, отъ сряща и бѣса полуденнаго. Ограждаюся, рабъ Божій (имя рекъ), именемъ Исусъ Христовымъ и животворящимъ Крестомъ. Благослови и освяти, [Господи], и будь милостивъ рабомъ твоимъ, якоже прежде послалъ еси архангела своего Рафаила со отрокомъ Товитомъ избавити отъ пожренія рыбы и твоею неищетною и богатою милостію соопредѣлилъ еси раба Божія (имя рекъ) отца и матери и обладаему дѣвицу древнимъ зміемъ Люцеперомъ, и сокруши его въ полунощи мечемъ невидимо силою архангеламъ твоимъ, и пресыпа его въ прахъ и пепелъ. Аминь.
Падаетъ отъ страны твоея тысяща и тьма одесную тебѣ, къ тебѣ же не приближится. И нынѣ сотвори милость надъ симъ рабомъ Божіимъ (имя рекъ), якоже и прежде. Обаче очима своима смотриши и воздаяніе грѣшникомъ узриши, яко ты, Господи, упованіе мое, вышняго положилъ еси прибѣжище твое; не пріидетъ къ тебѣ зло и рана не приближится тѣлеси твоему, яко ангеломь своимъ заповѣсть о тебѣ сохранити тя во всѣхъ путехъ твоихъ.
Сохрани, Господи, во всѣхъ путехъ твоихъ раба твоего (имя рекъ) отъ потвора людскаго, мужеска пола и женскаго, и всякаго званія сопротивнаго и богоотступнаго чиновна и подчиновнаго, и разноязычнаго отъ икоты, потяготы, ломоты, тоски и утопа банняго и передбанняго, налетна и потворна, и костоломна, и чернонемошна, и кровоточна, проходна и утробна, предгрезъ и переполоха дневнаго и нощнаго, и оболученія всякія дичи, невстанихъ обоего пола, опышки, одышки и волоченія, и всякаго дичи насланныхъ отъ еретикъ и еретіцъ, колдуновъ и колдуней, вѣдуновъ и вѣдуней избѣди слеса1) и переполохи, и всякія дичи отъ души и сердца, изо всея плоти и утробы, изъ главы и мозгу, отъ персей, изъ рукъ, изъ ногъ и всякія крови жильной и поджильной, и мозгу костнаго, и живицы и подноготія. Иже аще реклъ еси, Владыко, человѣколюбче Господи, въ писаніихъ своихъ: аще чисто соблюдеши душю свою мене ради и Матере моея, на рукахъ возьмутъ тя, да не когда преткнеши о камень ноги твоея. Господи, силою честнаго и животворящаго Креста твоего огражденіемъ спаси и сохрани, наступати на змія и скорпія, на аспида и василиска наступіши и попереши льва лютаго и змія дракона, яко на мя упова и избавлю и, покрыю и, яко позна имя мое воззоветъ ко мнѣ.
Сноски
1 ) Привожу буквально по подлиннику это невразумительное мѣсто.
