"Во имя Отца и Сына и Святаго Духа, нынѣ и присно и во вѣки вѣковъ, аминь. Опочивала еси Пресвятая Богородице Марія въ Мартѣ мѣсяцѣ во святомъ градѣ Іерусалимѣ Іудейстѣмъ, и видѣла сонъ о Сынѣ своемъ Господѣ нашемъ Іисусѣ Христѣ, и возбудися отъ сна своего. Тогда пріиде къ ней Господь нашь Іисусъ Христосъ Сынъ Божій и Спаситель всего міра, и рече ей: "Аминь глаголю тебѣ, Мати Моя возлюбленная Пресвятая Борогодице Маріе. Спала еси ты во святомъ градѣ Виѳлеемѣ Іудейстѣмъ, и что во снѣ видѣла, повѣждь Ми".

И рече ему Мати Его: "Господи Іисусе Христе, Сыне единородне Боже мой, возлюбленное и сладчайшее мое чадо. Спала есмь въ Мартѣ мѣсяцѣ во святомъ градѣ Виѳлеемѣ Іудейстѣмъ, и видѣла сонъ дивный и вельми страшенъ, зѣло яко бы Ты у Жидовъ поиманъ и связанъ, и къ Понтійскому Пилату игемону отведенъ. И оный повелѣ распяти Тя, и руцѣ и нозѣ ко кресту гвоздіемъ пригвоздиша, на древѣ кедрѣ, певкѣ и кипарисѣ распяша, и терновъ вѣнецъ на главу Твою святую возложиша, и во уста оцтомъ и желчію напоиша, и по ланитѣ крѣпко ударенъ, оплеванъ и заушенъ, и ребра Твои святыя копіемъ прободоша, и абіе изыде кровь и вода на исцѣленіе Христіаномъ и на спасеніе душамъ нашимъ. Якобы благообразный Іосифъ съ Никодимомъ и старцы святіи тѣло Твое святое снявше со креста, и во гробѣ каменномъ положиша, и плащаницею чистою закрыша, и въ третій день воскресъ Ты изъ гроба, и всему міру даровавъ животъ вѣчный ,и якобы сошелъ Ты въ преисподнюю страну ада, сатану связавъ, и всѣхъ праведныхъ изъ ада изведохъ, и дарова имъ животъ вѣчный, и велію милость."

Тогда рече ей Господь нашъ Іисусъ Христосъ Сынъ Божій:" О Мати Моя возлюбленная Пресвятая Богородице Маріе! Во истинну сонъ твой неложенъ и праведенъ, есть тако бо имамъ пострадати отъ беззаконныхъ Жидовъ, претерпѣти крестъ и смерть, и въ третій день воскреснути для спасенія рода Христіанскаго. И паки глаголю тебѣ, аще кто себѣ Сонъ твой спишетъ, и въ дому у себя въ чистотѣ держитъ, то къ тому дому не прикоснется никакой лихой человѣкъ, ни воръ, ни разбойникъ и злый духъ, никакого вреда чинити не возможетъ. А кто при себѣ носити въ чистотѣ будетъ, то тому человѣку вездѣ на пути, и нигдѣ ни въ какомъ мѣстѣ не прикоснется діаволъ и злый человѣкъ ограбить его, и истребить души его не возможетъ. Ни мечь его не посѣчетъ, ни вода его не потопитъ, на войнѣ не убіется, и отъ всякія раны, бѣды и напрасныя смерти сохраненъ будетъ, и всякое благополучіе и здравіе ему дастся. И въ томъ домѣ, гдѣ сей Сонъ имѣтися будетъ, будетъ отъ Мене дано всякое изобиліе и достатокъ, и между домашними въ семействѣ любовь и согласіе, а въ скотоводствѣ же великая прибыль. Еще глаголю тебѣ, Мати Моя возлюбленная, аще Сонъ твой помянетъ при разлученіи души своей отъ тѣла, или кого попроситъ прочитать и съ вѣрою послушаетъ, то тотъ человѣкъ получитъ отпущеніе грѣховъ своихъ на сорокъ дней, по смерти царство небесное наслѣдитъ со избранными Моими возвеселится, и всякія райскія пищи и питія насладится, а въ животѣ ему будетъ отъ Меня великая благодать и милость, радость и утѣшеніе, здравіе и благополучіе, въ бесѣдѣ честь, при князѣ судъ милостивый и скорое оправданіе, и вездѣ всякое удовольствіе и гостепріимство, на чужой сторонѣ ласковое принятіе и милость отъ чужихъ людей и почтеніе, а на поляхъ большое изобиліе и урожай во всякомъ его хлѣбѣ, а на лугахъ трава и покосы сухіе, и счастливые будутъ."

Олонецк. губ. списано г. И.в Потовымъ изъ книги.

Во имя О и С и Св Д. аминь

Пріопочивала еси Пресвятая Богородица во градѣ Виѳліемѣ Іудейстѣмъ. И пріиде къ ней Господь Іисусъ Христосъ, всему міру Спаситель и рече Господь нашъ Іисусъ Христосъ:
"О Мати Моя возлюбленная Пресвятая Богородица! Спишь ты или не спишь во святомъ градѣ Іудейстѣмъ, или что во снѣ видиши?"

И рече Ему Пресвятая Богородица: "О Господи Іисусе Христе Сыне Божій единородны сладкое мое чадо Іисусъ Христосъ! Спала я на Мартѣ мѣсицѣ во святомъ Виѳліемѣ градѣ Іудейстѣмъ, и видѣла про Тебя сонъ, кабъ Тебя Господа моего Іисуса Христа у Жидовъ поиманъ и связанъ, и приведенъ къ Понтійскому Пилату игемону на судъ, и на нѣкое древо кипарисное руцѣ и нозѣ гвоздемъ ко кресту пригвождены бысть, и терновый вѣнецъ на главу Твою возложенъ бысть, и уста желчію напоенъ, и по ланитамъ плащаницею (обвитъ) заушенъ и заплеванъ, въ ребрахъ Твоихъ святыхъ копіемъ прободенъ, и абіе изыде кровь и вода на исцѣленіе душамъ и тѣламъ, а Никодимъ пречистое тѣло Твое соиметъ со креста, іереове благовѣрны по сихъ въ новѣмъ своемъ гробѣ положенъ, и въ трети день воскреснути въ радость всему міру въ животъ вѣчны, и раздры адова рукописанія и вшедъ въ треисподнія земли, а вереи адовы сокруши и всѣхъ діаволовъ откуды съ собою на свѣтъ возведе, и дарова имъ царство небесное, и покой вѣчны".

И рече ей Господь Іисусъ Христосъ: "Мати Моя возлюбленная Пресвятая Богородица! Воистинну сонъ твой не ложенъ, но праведенъ. А кто Сонъ твой Богородице въ домѣ своемъ держитъ и учнетъ духъ святый плавати рабъ доброздравія, въ бесѣдѣ честь, и по водамъ пристанище тихое ко брегу, и всякому скоту умноженіе, а земныхъ плодовъ исполненіе. Аще кто Сонъ твой Богородиценъ въ пути съ собою носятъ въ чистотѣ, и тому человѣку въ пути прикачнется нечистъ духъ и тотъ человѣкъ, аще кто Сонъ твой Богородиценъ при смерти своей воспомянетъ, или прочтетъ, или кого заставитъ прочитать, а самъ похощетъ слушать, и тотъ человѣкъ избавленъ будетъ муки вѣчныя, и отъ огня неугасимаго, червей неосыпающихъ, и тьмы кромѣшныя, и принесутъ душу его честно въ царство небесно, и отдадутъ къ Авраму въ рай. Ему слава всегда, и нынѣ и присно, и во вѣки вѣковъ. аминь."

Единаго часа опочивала Мати Пресвятая Богородица въ землѣ Елеонстѣй. Пришедъ къ ней Господь нашь Исусъ Христосъ Сынъ Божій рече: "Мати Моя Пресвятая Богородица! Спишь ты или не спишь, и что во снѣ видѣла еси?" И рече Ему Пресвятая Богородица: "Сыне мой возлюбленный Исусъ Христосъ! И почивала я есть въ Мартѣ мѣсяцѣ и видѣла сонъ дивный вельми страшный и ужасный, архангела Михаила и прочіихъ безплотныхъ силъ въ бытность апостоловъ Петра и Павла въ Дамасцѣ прежде воскресенія Твоего, воскресилъ Ты друга Своего Лазаря и за шесть дней воскресенія Твоего ѣхалъ Ты на жребяти осли соученики Своими и апостолы во градъ Іерусалимъ и дѣти Еврейскія, видя Тебя Господа грядуща, ризы своя по пути постилаху и воскричаху Сыну Божію: Осанна въ вышнихъ благословенъ грядыи во имя Господне царь Израилевъ! За три дни воскресенія Твоего Ты Сынъ Божій, сливый воду во умывальницу, нача умывати нозѣ ученикамъ Своимъ, утирати имъ нозѣ препоясался еси пенъстіемъ (лентием). Іуда единъ отъ учениковъ пріиде къ Тебѣ отъ беззакопныхъ Жидовъ, продаде Тебя Сына Божія, за тридесятъ сребряникъ и того времяни беззаконные Жидовe искаша удобнаго случая, какъ Тебя Сына Божія поимать. И пришедъ проклятый Іуда Скаріоцкій, и вся народы множество много въ весь нарицаемую Гевсиманія и со оружіемъ и дреколіемъ, архіереи, и старцы, и тогда на Тебя, Сына Божія, Жидовe возложиша руцѣ своя, и ведоша во дворъ архіерейскъ въ преторъ. Пришедше же ту книжницы и старцы заплеваша лице Тебѣ, и многія скверности дѣяху, по главѣ ударяху, связана приведоша къ Понтійскому Пилату игемону, гдѣ осудиша Тебя, Сына Божія, на распятіе на трехъ древахъ: на певгѣ, кевлѣ (кедре) и копарисѣ.

И егда вели Тебя, Сына Божія и Господа моего, даша Тебѣ нести крестъ, который и несъ Ты ото вратъ градскихъ, и совлекоша съ Тебя одѣяніе, и одѣяша Тебя хламидою червленною, и сплетше вѣнецъ отъ тернія, и возложиша на главу Твою Святую, и тростію во главу Тебе ударяху, и въ десницу Тебѣ дающе колѣна, предъ Тобою преклоняху, пріяша отъ Тебя трость и паки по главѣ святой Твоей, біяху и совлекоша съ Тебя багряницу, и облекоша въ ризу червленную.

А какъ вели Тебя, Господа моего Исуса Христа на распятія, обрѣтше вину написать -"Сей есть Царь Іудейскій", и нашедше человѣка именемъ Симеона, и сему даша нести крестъ Твой Святый. И привели Тебя, Господа моего, Исуса Христа на мѣсто нарицаемое Голгоѳа, и даша Тебѣ пити ощта съ желчію, и не хотѣша пити, и распяша Господа на древѣ межу двумъ разбойникамъ, и руцѣ и нозѣ гвоздіемъ пригвоздиша, и судяху Тебя, Сына Божія, и копіемъ ребро Тебѣ прободоша, и абіе изыде кровь и вода на исцѣленіе и спасеніе душамъ нашимъ и всѣмъ православнымъ Христіяномъ. И тогда отъ шестаго часа до девятаго сонце померкло, и луна въ кровь превратилась небо и земля потрясеся каменіе распадошася завѣса въ церкви раздрася отъ верхняго края до нижняго, и гробы отверзошася, и многа тѣлеса усопшихъ восташа. Поздо вечера пріиде человѣче богатый отъ Оримафей именемъ Іосифъ, и приступи къ Пилату, и проси тѣло Твое Святое со креста сняти. Тогда Никодимъ старецъ и Іоаннъ Богословъ тѣло Твое святое плащаницею чистою обвивъ, и во гробѣ своемъ новѣ закрывъ, и положили. И Ты сынъ мой въ третій день воскресъ изъ мертвыхъ, и всему міру дарова животъ вѣчный. Егда сниде во адъ двери желѣзныя преломи, врата мѣдныя сокруши, Адама и Евву изведе, и вся сущія съ нимъ изъ мертвыхъ воскреси, и всѣмъ дарова животъ вѣчный, и раздравъ рукописаніе на небеса, взыде и сѣде одесную Бога Отца. И рече ей Господь нашь Исусъ Христосъ Спаситель всего міра, и рече ей Господь:" О Мати Моя Пресвятая Богородица! Во истинну Сонъ твой не ложенъ, а праведенъ. Аще который человѣкъ Сонъ твой истинно пріемлетъ, или въ пути съ собою въ чистотѣ носитъ, или въ домѣ своемъ держитъ, тотъ человѣкъ милость Мою будетъ имѣть, отъ людей любовь, и въ пору щастіе получитъ.

Аще кто хощетъ Сонъ сей читать или переписать, или съ прилежаніемъ слушать, тому человѣку сорокъ дней отпущеніе грѣховъ будетъ. Или въ которомъ дому сей Листъ пребываетъ, тому дому не прикоснется ни діяволъ злый, нечистый духъ, ни тать, ни разбойникъ не можетъ красти. А которая женщина беременна и сей Листъ въ чистотѣ при себѣ держать будетъ, или при родахъ заставитъ кого прочест,ь то родитъ дѣтище легко, нечистый духъ не прикоснется ей, и Господь освободитъ отъ вѣчнаго зла скареднаго. Прошу Тебя, Господа, чрезъ муку Твою святую которую претерпѣлъ еси за насъ грѣшныхъ, святый Іоанне Предтече Господень. Отъ болѣзни отроча родившееся спаси и помилуй.

Сказавше пять словъ, глаголи: "Исусе Христе, укрепи мя и сохрани отъ всякого зла скареднаго. Прошу Тебя Господа моего и въ день и въ нощь, и во всякъ часъ прошу Тебя Господа, чрезъ муку Твою святую, которую за насъ, грѣшныхъ претерпѣлъ еси. Святый Іоанне и Крестителю Господа нашего Исуса Христа! Сохрани насъ и помилуй отъ огня и отъ меча, наглыя смерти.

Господь же рече вѣровавшему въ сій Листъ. При смерти Его Самъ буду ,и Мати Моя Пресвятая Богородица, ангели возмутъ его нести до царствія небеснаго, и отдадутъ Аврааму въ раи. аминь.

Сей Листъ найденъ въ землѣ Британской на горѣ Елеонстѣй, и найденъ предъ образомъ святаго архангела Михайла и протчіихъ небесныхъ силъ, и написанъ былъ златыми литерами, ибо сіе слово Исусъ Христосъ далъ силою Божества. И рекъ: "Даю вамъ рабамъ и рабынямъ шесть дней работать, а въ недѣлю, а седмый -на покой, и делъ вашихъ благословилъ и освятилъ. А ежели не будете неделю чтить, и въ церковь ходить на Божію службу, то буду васъ морить гладомъ, огнемъ и злымъ повѣтріемъ, и войною, и востанетъ царь на царя, и мѣсто на мѣсто, и король на короля, отецъ на сына, и сынъ на отц,а и братъ на брата, и будетъ кровопролитіе, и всѣхъ васъ оскорблю, пищу отъиму, и буду наказывать злымъ повѣтріемъ и огнемъ, дабы познали Мою Божію правду. Ходите въ церковь, воспоминайте о грѣсѣхъ своихъ, и дѣлъ нечистыхъ, и не сквернитесь, напущу на васъ птицы черныя смрадныя и со власы женскія, яко будутъ васъ кусать и отъ которыхъ злое повѣтріе будетъ происходить. И когда бы за васъ не молилась Мати Моя Пресвятая Богородица, и не просила, то давно бы злою смертію погубилъ. Еще васъ научаю отца мать почитать, другъ друга любить, отъ піянства бѣгать, предъ убогими не гордитца, ложно не присягать, и не сквернословить, то будете въ царствіи небесномъ и получите отпущеніе грѣховъ.

За то даю вамъ сіе дабы вы вѣрили сему Листу и приказанію Моему, а кто вѣрить не будетъ, тотъ не допущенъ будетъ къ покаянію. И кто Листъ сей въ дому будетъ держать въ чистотѣ, то на томъ человѣкѣ и домѣ будетъ благодать Божія, всегда и нынѣ и присно и во вѣки вѣковъ, аминь."